♦ Tickets ♦
Tickets dat ei mo en prevendita ( Ils 17 da matg naven dallas 16:00 ed ils 15 da zercladur naven dallas 10:00 ) sur Petzi ( LINK ). Cassa da sera dat ei mo per glieud ord vitg e vallada.
Per tut ils tickets vala in prezi directiv.
Il prezi directiv sedat ord nies budget e duei buca obtenir in gudogn, mobein duei scuvrir las expensas dil festival.
Vitier dat ei las categorias Soliticket, Budget e Support. Sche ti pagas dapli ( Support-Ticket ), gidas ti a finanziar ils Solitickets e Budget-Tickets. Nus tut*tas decidein tenor nossas pusseivladads, con che nus pagein.
Soliticket: Sche ti sas buca pagar in ticket da festival, dat ei la pusseivladad da retrer in tal. Cun quel stos ti buca pagar entrada, nutriment e bubrondas suenter tias pusseivladads. Percass che ti vegnas buca da finanziar tiu viadi sas ti s'annunziar tier nus sut post@buats.ch. Nus vegnin ad anflar ina sligiaziun.

♦ Gidar ♦
Sco emprem: Tut*tas che separticipeschan al Buatsch gidan e portan il festival. Lavar giu, dar ora gervosa, schubergiar tualettas etc. sto vegnir fatg da tu*tas. Cu che ti entras il festival sas ti directamein surprender ina dallas incumbensas. Nus duvrein mauns segidonts per baghegiar si e giu. Sche ti has temps e gust sustener nus, s'annunzia cheu: ( LINK )
Ti drovas neginas enconuschientschas e presavidas. Igl ei semplamein bi, sche ti eis dalla partida. Enconuschas negin*a e vul buca vegnir persul? S'nannunzia sut buatschfestival@gmail.com.
Per baghegiar si eis ei ord motivs organisatorics mo pusseivel da vegnir ils 06.07. ni ils 08.07. mintgamai la sera.
Impurtont: Cumpra in Ticket, era sche ti segidas sco gidont*ra.
Agens projects: Vul organisar in salun da coiffeur, ina bar da té etc.? Buca schliet! S'annunzia bugen cun tias ideas sut post@buats.ch